Il-pixxini pubbliċi jew il-pixxini użati għal attivitajiet kummerċjali, kemm jekk għall-profitt kif ukoll jekk le, jeħtieġ li jiġu rreġistrati. Pixxini privati li jinsabu f’residenzi privati ma jeħtiġux li jiġu rreġistrati mal-EHD.

Il-pixxini jistgħu jiġu rreġistrati online permezz tal-link li ġej: https://www.servizz.gov.mt/en/Pages/Health-and-Community-Care/Health/Public-Health/WEB023/default.aspx

1. Żomm il-livell ta’ free-chlorine bejn 1-3 ppm.
2. Kun żgur li n-nies li jużaw il-pixxina jinħaslu bil-misħun u s-sapun fid-doċċa qabel ma jidħlu fil-pixxina.
3. Żomm il-pixxina nadifa.
4. Żomm ċirkolazzjoni tajba tal-ilma.
5. Żomm il-filtri tal-ilma nodfa.
6. Ħu kampjuni tal-ilma mill-inqas darba fix-xahar.
7. Jekk il-pixxina tkun fuq barra, żommha mgħottija meta ma tkunx qed tintuża.
8. Aħsel id-dekk, il-kmamar tad-doċċa u fejn ibiddlu n-nies b’doża ta’ 0.5% chlorine, jew fungiċida simili darba kuljum.
9. Pixxini spa għandhom jiġu mbattla u mnaddfa darba fil-ġimgħa.
10. Żomm it-temperatura tal-ilma tal-pixxini imsaħħna bejn 27℃ u 30℃.
11. In-numru ta’ nies fil-pixxina għandu jkun skont il-kobor u l-pompi tal- pixxina.

Il-lista ta’ pixxini irreġistrati mal-EHD tinsab fuq il-link li ġejja: https://environmentalhealth.gov.mt/wp-content/uploads/2024/06/Registered-Pools-17062024.pdf

Huwa importanti li tikkuntattja lit-tabib tiegħek biex jipprovdilek il-kura meħtieġa. Tista’ wkoll tinforma lill-EHD permezz t’imejl fuq [email protected] jew [email protected].